Pescada en caldeirada

Preparación

Lavar e pelar as patacas, logo cortámolas en toros medianos e poñémolas a cocer con moi pouca auga, practicamente ao vapor.

Engadimos tamén a cebola en toros grosos.

Esperamos uns 10 minutos a que estea feita a pataca e entón metemos a pescada, previamente limpa e en toros, na cacerola.

Aproximadamente aos 8 ou 10 minutos apagamos o lume e deixamos que se cociñe ao vapor. Engadimos follas de perexil para que lle dea aroma.

Mentres, facemos a allada. Poñemos o aceite ao lume medio forte, engadímoslle 2 dentes de allo e cando estea dourado engadímoslle pemento e poñemos un cullerón do caldo da pescada.

Ingredientes

Para catro persoas:

• 8 toros de Pescada
• 700 gr de Patacas
• 150 ml. de Aceite de oliva virxe extra
• 3 dentes de Allo
• 1,3 litros de Auga
• 1 culler de té de Sal
• 1 ramillete de Perexil picado
• 1 culler de té de Pemento doce